जुम्ला । प्रेस सेन्टर जिल्ला समिति जुम्लाले विभिन्न कार्यक्रम गरि मनाएको छ । जिल्ला समिति जुम्लाले प्रेस सेन्टर जुम्लाका सस्थापक तथा नेपाल पत्रकार महासंघ शाखा जुम्लाका संस्थापक सहसचिव स्वर्गिय पत्रकार पदमराज देवकोटाको घरमा दिवस मनाईएको हो ।
दिवसको अवसरमा पदमराज देवकोटा स्मृति पत्रकारिता पुरस्कारबाट कान्तिपुरमा कार्यरत पत्रकार धनबहादुर वुढा (डिवि) पुरस्कृत भएका हुन । नेकपा (माओवादी केन्द्र) जुम्लाका जिल्ला संयोजक नवराज न्यौपानले प्रमाणपत्र र नगद राशी पाँच हजारले पुरस्कृत गरेका हुन । यसैगरी सहिद देवकोटाका आमा विष्णुमाया देवकोटालाई पछेउरा आढायर सम्मान समेत गरिएको छ ।
त्यस्तै प्रेस सेन्टरको स्थापना दिवसको अवसरमा नेकपा माओवादी केन्द्रका संयोजक नवराज न्यौपानेले प्रेस सेन्टरको कलम शशक्त रुपमा थप अगाडि बढ्ने शुभकामना दिए । उनले सहिद पदमराज देवकोटा सहितका सहिदहरुको बलिदानीले परिवर्तन भएको बताए । उनले सहिदको सधै सम्मान गर्ने दायित्व सवैमा हुन जरुरी छ । यो बिषेश कार्याक्रमको लागी प्रेस सेन्टर जुम्ला प्रति आभार ब्यक्त गरे ।
प्रेस सेन्टर नेपालका केन्द्रीय सदस्य तथा पत्रकार महासंघ शाखा जुम्लाका पूर्व अध्यक्ष नेत्रबहादुर शाहीले प्रेस सेन्टरको ईतिहास संघर्ष बाट शुरुभएको बताए । जुम्लामा लामो समय देखी प्रेस सेन्टरले गरिरहेको जुम्ली पत्रकारिता क्षेत्रको लगाब आम नागरिकलाई जानकारी भएकै छ ।उनले देशभर प्रेस सेन्टरले स्थापना दिवस मनाएको जानकारी दिदै जुम्लामा स्वर्गिय पदमराज देवकोटाको स्मृतिमा पत्रकारिता पुरस्कार शुरु गरेकोमा आभार ब्यक्त गरे । उनले पुस्कार पाउने क्रियाशिल पत्रकार डिवि वुढालाई हार्दिक बधाई दिएका छन ।
स्थापना दिवसको अवसरमा शुभकामना दिदै दलितमुक्ति मोर्चा जुम्लाका अध्यक्ष चन्द्रबहादुर नेपालीले यूद्धकालमा स्वर्गिय पत्रकार पदमराज देवकोटाले पत्रकारितमा पुर्याएको योगदानका कदर गरेर प्रेस सेन्टरले घरमै आएर सहिद आमालाई सम्मान र सहिदकै नाममा पुरस्कार वितरण गरेकोमा फरक भएको बताए । उनले हिजो कैयौ दिन आश्रय लिने देवकोटाको घरमा आज आउदा खुशी लागेकोछ। उनले देवकोटा नजयुद्धका सहकर्मी भएकाले उनको आमालाई सम्मान गरेकामा प्रेस सेन्टर नेपाल जुम्लालाई धन्यबाद ब्यक्त गरे ।
त्यस्तै एकिकृत अखिल नेपाल शिक्षक संगठन जुम्लाका ईन्चार्ज रामबहादुर रावलले स्थापना दिवसको शुभकामना दिदै प्रेस सेन्टरले गरिरहेको पत्रकारिता मार्फत समाज रुपान्तरण गर्न तर्फ लाग्न अनुरोध गरे उनले समाजमा रहेका कुरिती र कुसाँस्कार बिरुद्ध कलमलाई प्रभावकारी बनाउन शुभकामना दिए ।स्थापना दिवसको अवसरमा प्रेस सेन्टरका पदाधिकारी, सदस्यहरु र सुभेच्छुकहरुको उपस्थिति रहेको थियो ।
