जुम्लाको कनकासुन्दरी गाउँपालिका–५ मा पहिरोमा पुरिएर एकै परिवारका पाँचजनाको मृत्यु भएको छ।
गाउँपालिकाको बाराकोटे बाडामा पहिरो जाँदा गणेश बहादुर शाही, छोरा रमेश, रमेशकी श्रीमती पानसरा तथा उनीहरूका छोरा अनमोल र मिलनको मृत्यु भएको हो। जिल्ला प्रहरी कार्यालय जुम्लाका सूचना अधिकारी धर्मराज जोशीका अनुसार पहिरोमा परी दुईजना बेपत्ता छन्।
पहिरोमा पुरिएका अरु दुईजनाको अवस्था गम्भीर रहेको छ। प्रमुख जिल्ला अधिकारी मुकेशकुमार केशरीले गम्भीर अवस्थामा रहेका दुईजनालाई उद्धार गरी अस्पताल पठाइएको जानकारी दिए।
सेना र प्रहरीसहितको टोली घटनास्थलतर्फ लागेको उनले बताए। प्रमुख जिल्ला अधिकारी केशरीका अनुसार घटना बिहान ४ बजेतिरको हो।
