काठमाडौं । टमाटर नेपालबाट भारत आयात गरिएको भारतीय अर्थमन्त्री निर्मला सीतारमणले बताएकी छन्।
समाचार संस्था रोयटर्सका अनुसार भारतीय संसदमा बिहीबार बोल्दै सीतारमणले नेपालबाट टमाटर आयात गर्न लागिएको बताएकी हुन्।
‘नेपालबाट आयात गरिएको टमाटरको पहिलो लट शुक्रबार बनारस, लखनऊ र कानपुरमा आइपुग्छ,’ उनले भनिन्।
पछिल्ला केही महिनामा भारतमा टमाटरको मूल्य १४ सय प्रतिशतसम्म बढेको छ।
बजारमा अत्यधिक मूल्य बढेपछि भारतले माग धान्न नेपालबाट टमाटर लैजान लागेको हो।
उद्योग, वाणिज्य तथा आपूर्ति मन्त्री रमेश रिजालले केही समयदेखि नेपाली टमाटर भारत गइरहेको बताए।
भारतमा टमाटरको मूल्य बढेपछि पछिल्लो समय नेपालमा पनि टमाटरको मूल्य ह्वात्तै बढेको छ। बिहीबार कालीमाटी तरकारी बजारमा टमाटरको मूल्य प्रतिकिलो १८० रुपैयाँसम्म छ।
