जुम्लाको गुठिचौर गाउँपालिका ३ गर्जाङ्कोटमा अवस्थित एक घरमा आगलागी भएको छ।
पुस महिनाको चिसोमा भरखरै बनेको घरमा आगलागी हुँदा सोही घरमा बस्ने परिवारको बिजोग भएको छ। उक्त घरको झ्याल जोड्ने काम भइरहेको थियो। मिस्रीले घर बाहिर बालेको आगो निभाउन बिर्सेर पछि काठमा आगो सल्केर आगलागी भएको स्थानीय लालबहादुर रावलले बताए।
उनका अनुसार मानवीय क्षेती नभएता पनि घरमा रहेको लत्ताकपडा, भाँडाकुँडा र खाने अनाज सबै जलेर नष्ट भएको छ।
करिब दुई घण्टा पछि स्थानीय र प्रहरीको सक्रियतामा आगामी नियन्त्रणमा लिइएको थियो।
