सिंजाको चाउमिन उद्योगमा आगलागी

जुम्ला : जुम्लामा चाउमिन उद्योगमा आगलागी भएकाे छ । सिंजा गाउँपालिका वडा नम्बर–३ नराकोट बजारमा रहेको चाउमिन उद्योगमा आगलागी भएको हाे  ।

शनिबार राति ८ बजेतिर ग्यास लिक हुँदा स्थानीय रत्नलाल बुढाको चाउमिन उद्योगमा आगलागी भएको प्रहरीले जनाएको छ । आगलागीमा परेर चाउमिन उद्योगमा काम गर्ने विष्णु बुढा घाइते भएका छन् ।

उद्योगमा अगलागी हुँदा चाउमिन बनाउने उपकरण, भाँडावर्तन र खाद्यन्न लगायतका सामानमा क्षति भएको छ । मानवीय क्षति भने नभएको बताइएको छ । घटनाबारे विस्तृत विवरण आउन बाँकी छ ।