कर्णालीमा फोन र इन्टरनेट सेवामा समस्या
कालीकोटः कर्णाली प्रदेशमा नेपाल टेलिकमको फोन तथा इन्टरनेट सेवामा समस्या देखिएको छ । एक हप्ता अघिदेखि देखिएको यो समस्या समाधान गर्न अझै केही समय लाग्ने नेपाल टेलिकमले बताएको छ ।
दैलेखको रानीमता र कालीकोटको भर्तामा समस्या देखिएको र अहिले मर्मतको काम सुरु गरिएको नेपाल टेलिकम प्रादेशिक निर्देशनालय सुर्खेतका प्राबिधिक प्रमुख शिवराज खनालले बताए ।
नेपाल टेलिकमको इन्टरनेट सेवा र टेलिफोन सेवा नेटर्वकमा छिनछीनमा जाने आउने समस्या देखिएको छ ।
