काठमाडौं । काठमाडौं जिल्ला अदालतले एमाले उपाध्यक्ष तथा पूर्वगृहमन्त्री रामबहादुर थापा बादलका छोरा प्रतीक थापालाई पुर्पक्षका लागि थुनामा पठाउने आदेश दिएको छ ।
नक्कली भुटानी शरणार्थी प्रकरणमा मुछिएपछि पक्राउ परेका थापालाई न्यायाधीश सकुन्तला कार्कीको इजलासले पुर्पक्षका लागि थुनामा पठाउने आदेश दिएको हो ।
तीन दिन चलेको बयान र थुनछेक बहसपछि कार्कीको इजलाशले थापालाई थुनामा पठाउने आदेश दिएको हो । प्रहरीले गत शुक्रबार उनलाई पक्राउ गरी अदालतमा पेस गरेको थियो ।
यसअघि पक्राउ परेका बिचौलियाहरूले प्रतीकलाई करोडौँ रकम बुझाएको बयान दिएका थिए ।
