मोरङ स् मोरङको बूढीगंगा गाउँपालिका ४ प्रगती टोलमा मालबहाक ट्रक किराना पसलमा पल्टिदा किचिएर ३ जनाको मृत्यु भएको छ ।
मृत्यु हुने एकै परिवारका दुई जना बालबालिकासहित अर्का एक जना रहेको प्रहरीले जनाएको छ । बुढीगंगा गाउँपालिका ४ का ६० वर्षीय ज्योती अधिकारीका चार वर्षीय छोरी इसिता अधिकारी, छोरा निशान्त अधिकारी र सन्जु खवासकी ८ वर्षीया छोरी रिहा खवासको मृत्यु भएको प्रहरीले जनाएको छ । ज्योतीका छोरा र छोरी जुम्ल्याहा हुन् ।
दुर्घटनामा परी ज्योती गम्भीर घाइते छन् । ढुंगाले थिचिएका उनलाई उद्धार गरी विराट मेडिकल कलेज पठाइएको छ ।
ढुंगा बोकेर उद्योगतर्फ जाँदै गरेको ट्रक किराना पसलमा पल्टिएको थियो । पल्टिएको ट्रक लोड गरिएको ढुंगाले थिचेर तीन जना बालबालिकाको घटनास्थलमा नै मृत्यु भएको हो ।
