जुम्ला ः जुम्लामा लागुऔषध सहित दुइ जना पक्राउ परेका छन । चन्दननाथ नगरपालिका ६ वडाको बसपार्कको कार्णाली होटेलमा लागु औषध सहित कोठा लिई बसेको अबस्थामा दुइ जनालाई जिल्ला प्रहरी कार्यालय जुम्लाले प्रकाउ गरेको हो ।

जुम्ला प्रहरीले गोप्य सुचनाका आधारमा चन्दननाथ नगरपालिका वडा न.२ बस्ने २९ वर्षका तिलक भण्डारी र चन्दननाथ १० गैराउगाउँ वस्ने २२ वर्षीया प्रतिक्षा थापालाई प्रकाउ गरेको प्रहरी निरीक्षक धर्माराज जोसीले बताए । उनका अनुसार झोलामा लुकाई छिपाई राखेको अवस्थामा लागु औषध (ब्राउन सुगर) जस्तो देखिने पदार्थ भेटिएको हो । उनले भने , त्यसको नाप तौल गर्दा ४ ग्राम ८५० मिलि ग्राम, रहेको छ ।

त्यस्तै प्रहरीले उनीहरुको साथमा दुइ थान मोबाईल बिस हजार पाँच सय १० रुपैया नगद फेला पारी रितपुर्वक बरामद गरी शनिबार ३ बजेर १५ मिनेटको समयमा नियन्त्रणमा लिएको छ । उनीहरुलाई प्रहरी हिरासतमा राखी थप अनुसन्धान कार्य भई रहेको छ ।