सुर्खेत : नेकपा एमाले कर्णाली प्रदेश कमिटीका लागि भएको निर्वाचनको मतगणना जारी छ।
पछिल्लो परिणामअनुसार अध्यक्षका उमेदवार गुलावजंग शाहले अग्रता कायमै राखेका छन्। ३०० मत गणना गर्दा शाहले १८० मत प्राप्त गरी अग्रता कायमै राखेका हुन्।
अध्यक्षका अर्का उमेदवार मीनबहादुर शाहीले १०२ मत प्राप्त गरि दोस्रो स्थानमा छन्।
उपाध्यक्षका उमेदवार टेकराज पछाइले १६८ मतसहित अग्रता लिइरहेका छन्। उनको प्रतिस्पर्धी अर्का उमेदवार लालबहादुर महतराले ९६ मत पाएका छन्।
त्यसैगरि सचिवमा भने ध्रुव शाहीले २०७ मतसहित अग्रता लिइरहेका छन् भने उनका प्रतिस्पर्धी उमेदवार रुद्र शाहीले ७७ मत पाएका छन्।
उपसचिवमा भने रविन्द्रराज शर्माले अग्रता लिएका छन्। एमाले कर्णाली प्रदेश अधिवेशनमा हिजो मतदान भएको थियो भने आज मत गन्न थालिएको हो। अब करिब आधा मत गन्न बाँकी रहेको जनाइएको छ।
