काठमाडौं । संखुवासभामा सिम्रिक एयरको हेलिकोप्टर दुर्घटनामा परेको छ ।शुक्रबार दिउँसो भोटखोला गाउँपालिका ४, सिप्रुङको जिजिङ्खामा अरुण तेस्रो जलविद्युत आयोजनाको सामान बोकेको हेलिकोप्टर दुर्घटनामा परेको हो । हेलिकोप्टर दुर्घटनामा परेको र घटनाबारे विस्तृत विवरण आउन बाँकी रहेको जिल्ला प्रहरी कार्यालय संखुवासभाका डीएसपी वीरेन्द्र गोदारले जानकारी दिए ।

नागरिक उड्डयन प्राधिकरणका प्रवक्ता जगन्नाथ निरौलाका अनुसार अरुण जलविद्युत् आयोजनाको सामान ढुवानी गर्न हेलिकोप्टर हिजो (बिहीबार) नै गएको थियो ।

आयोजनाका लागि आवश्यक सामान ढुवानीका क्रममा शुक्रबार दिउँसो हेलिकोप्टर दुर्घटनामा परेको खबर आएको उनले बताए । उनका अनुसार दुर्घटनास्थल संखुवासभाको विमानस्थलभन्दा टाढा रहेकाले थप विवरण आउन सकेको छैन ।