जुम्ला प्रदेश सभा (ख) मा एमाले पार्टीका उम्मेदवार टेकराज पछाई निर्वाचित भएका छन् ।उनले कर्णाली प्रदेश सरकारका बहालवाला भौतिक पूर्वाधार तथा सहरी विकास मन्त्री पदमबहादुर रोकायालाई पछाईँले १ हजार १सय १२ मतले पराजित गरेका हुन् ।
२० हजार ६ सय २८ मत खसेकोमा एमालेका पछाईँले ७ हजार ८ सय २७ मत प्राप्त गरेको मुख्य निर्वाचन अधिकृत विष्णुप्रसाद गौतमले बताए ।
रोकायले ६ हजार ७ सय १५ मत प्राप्त गरेका हुन् । त्यस्तै एकीकृत समाजवादीको जुम्ला जिल्ला इन्चार्ज समेत रहेका रोकायालाई कांग्रेस–माओवादीको साथ रहँदा पनि पराजित बनेका हुन ।एमाले नेता पछाईँ एमाले प्रदेश कमिटीको उपसचिव हुन् । विद्यार्थी जीवनदेखि राजनीतिक गर्दै आएका पछाई पहिलो पटक कर्णाली प्रदेश सभाको सांसद बनेका हुन् ।जुम्ला कनकासुन्दरी ६ निवासी पछाईको राजनितिक जीवन यात्रा विद्यार्थी जीवनबाट भएको थियो ।
२०५५ देखी २०५७ सम्म काठमाडौंको अमृत साईन्स क्याम्पसको सदस्य , २०५७ देखी २०६० सम्म सहसचिव हुदै २०६० देखी ०६२ र २०६२ देखी २०६५ मा स्ववियू सभापति भएका थिए । दुर्गमबाट काठमाण्डौमा विद्यार्थी राजनिति गरेका पछाई अव सासद भएका छन् ।
पछाईले पार्टीका विभिन्न संगठन हुदै नेकपाको समयमा प्रदेश कमिटि सदस्य र हाल नेकपा एमालेको प्रदेश उपसचिव पदमा हुनुहुन्छ । यसका साथै २०७९ सालको निर्वाचनमा एमालेको तर्फबाट जुम्ला प्रदेश (२) बाट उम्मेदवारी दिएका थिए । पछाईले जुम्लाबाट बिजय हुने उम्मेदवारमा पहिलो खाता खोलेका छन् ।
