जुम्लाः जिल्ला कृषि विकास कार्यालयका अनुसार आर्थिक बर्ष २०८१।०८२ मा पाँच हजार आठसय ६२ टन स्याउ निर्यात गरेको छ । कार्यालयले बार्षिक समिक्षा कार्यक्रम राखेर स्याउ निर्यातको प्रतिवेदन समेत सार्वजनिक गरेको छ । कार्यालयले आर्थिक बर्ष २०८०।०८१ को प्रगति र आर्थिक बर्ष २०८१।०८२ को कार्यक्रमका बिषयमा सार्वजनकिरण कार्यक्रम सम्पन्न गरेको हो ।
कार्यालयले शुक्रवार सम्पन्न गरेको समिक्षामा ढुवानीबाट ५ हजार ५ सय ५० मेट्रिक टन, हवाई जहाँजबाट २४ मेट्रिक टन, हाईस र जिपबाट २५८ मेट्रिक टन, बसबाट सिधै जुम्लाबाट –काठमाण्डौं ३० टन स्याउ निर्यात भएको छ ।यो तथ्यांक अनुसार स्याउबाट मात्रै ४३ दिनमा जुम्लाले ३८ करोड १० लाख ३० हजार स्याउबाट आम्दानी भएको छ ।
जिल्ला कृषि विकास कार्यालयका वागवानी अधिकृत राज्य लक्ष्मी खत्रीले यस बर्ष १५ हजार मेट्रिक टन स्याउ उत्पादन हुने लक्ष्य रहेको बताइन । उनका अनुसार स्थानीय स्याउ पाँच हजार आठ सय ६२ मेट्रिक टन २०८१ साउन २९ देखी २०८१ असोज ८ गते सम्मको हो । केही स्याउ किसाने घरमै खाने तथा विभिन्न परिकारहरु तयार गर्ने गरेका छन् । अग्लो स्थानको स्याउ, फुजी स्याउ र गोल्डेन निर्यात भईरहेको छ । अझ फुजी स्याउ तिन सय टन उत्पादन हुने अनुमान छ ।
त्यस्तै कृषि विकास कार्यालय जुम्लाले आर्थिक बर्ष २०८०।०८१ मा कृषक पोत्साहन कार्यक्रम १६ वटा, ११ मध्य ६ वटा सम्झौता भई काम सम्पन्न भएको छ । व्यवसायिक फलफुल प्रर्वधन कार्यक्रम १८ वटा रहेका छन् ।
त्यस्तै कृषि बिकास कार्यालय जुम्लाका प्रमुख वालाकराम देवकोटाका अनुसार सिचाईमा २६ वटा ४ हजार ८ सय मिटर आरसिसि क्यानल निर्माण, २२ वटा आरसिसि ट्यांकी निर्माण, ११५ वटा हिउँदे वगैचा काँटछाँट अभियान, ६जना प्रांगारिक सिचाई गर्ने किसानलाई साना सिँचाई,६ वटा समुहलाई सामग्री वितरण, तातोपानी गाउँपालिका वडा नम्बर ५ स्याउवालीमा कृषक पाठशाला स्थापना गरिएको छ । छुमचौरमा मार्सीधानको ब्लग स्थापना गरिएको छ ।
त्यस्तै्र कार्यालय प्रमुख देवकोटाका अनुसार उच्च घनत्वका स्याउका विरुवा खरिद गर्न भने टेण्डर परेन ।५० प्रतिशत अनुदानमा २० लाख बजेटको उच्च घनत्व जातका स्याउका विरुवा आयत गर्ने कार्यक्रममा २ पटक सुचना प्रकाशन गर्दा पनि टेण्डर नपरेपछि काम हुन सकेको छैन् ।
त्यस्तै समिक्षा कार्यक्रममा किसानले सरोकारवाला निकायको सुझावमा योजना छनौट तथा सरोकारवालाको अनुगमन आवश्यक रहेको सुझाव दिएका छन् । स्याउ कृषक रामसिंह रावलले कृषिमा अनुसन्धान शुन्य भएकाले यसमा जोड दिनुपर्ने बताए । उनले भने, योजना छनौट गर्दा जिल्लाले पठाएका कुनै पनी पर्दैन । कुनै ब्यक्तिले भनसुन गरेका आधारमा कृर्षिका कार्यक्रम आउने गरेका कारण उपलब्धीमुलक हुन नसकेको अवस्था छ ।
त्यस्तै स्याउ किसान गोपाल रोकायाले किसानलाई आएका कार्यक्रमहरु फ्रिज नजाने गरेको बताए । उनले किसानको आबश्यता मुखीका कार्यक्रम ल्याउन अनुरोध गरे । नगरपालिकाका कृषि प्रमुख सुर्जा बोहरा र तातोपानी गाउँपालिकाका कृषि शाखा प्रमुख मोहन महतले आफ्नो पालिकामा भएका कामको समेत प्रस्तुतिकरण गरेका छन । कृषि बिकास कार्यालयका अनुसार जुम्लाका आठ वटा पालिकाका कृषि शाखाकाहरु बिच कृषिका कार्यक्रम प्रभाबकारी बनाउनका लागी समिक्षा गरीएको छ ।
